Again, Sundanese v.s. Javanese

Tadi téh keur dahar beurang di kantor, duka ti mana mimitina, bet jadi ngobrolkeun masalah séké-sélér. Kabeneran, nu ngariung sameja téh opat jalma ti tilu sélér: Sunda duaan (lalaki), Jawa saurang (awéwé), Banjar (Kalimantan) saurang (lalaki, kawin ka urang Sunda).

Oh, enya. Balad nu urang Jawa, nyarita yén urang Sunda mah beuki kawin. Huahahahah... puguh baé kuring langsung ngagakgak bari némpas. "Haar... Pan anu gaduh Wong Solo téh urang Jawa?!" Atuh, saréréa jadi ngagakgak. Ti dinya, Balad Jawa nyaritakeun yén di kulawargana aya papagon turun-tumurun, yén kulawargana ulah aya nu nepi ka kawin ka urang Sunda. Héhéh, beuki ramé wé ti dinya mah...

Duka teuing ti mana asalna, tapi, ceuk cenah, pamali-pamali sarupa kitu téh asalna ti jaman Majapait - Sunda. Enya, tina kajadian di Bubat téa, gara-gara ambisi Gajahmada nu hayang ngawasa sakabéh Nusantara, nepi ka nyieun tipu muslihat ka pihak karajaan Sunda (salah sahiji karajaan nu can bisa dikawasa, sakumaha kasebut dina jangji anu katelah "Sumpah Palapa"). Padahal, ceuk cenah nu séjén deui, nu jadi sabab Sunda teu diganggu ku Majapait téh kusabab nu ngadegkeun Majapait téh turunan Sunda kénéh (mun teu salah mah pancakakina téh kieu: Radén Wijaya, nu ngadegkeun Majapait [aéh, enya kitu?] téh anak raja Sunda, sabab Dyah Lembu Tal téh boga salaki ti Sunda, ngan balik deui ka Jawa nalika salakina maot).

Balik deui ka dongéng Balad Jawa téa, manéhna ngadongéng, yén adina (lalaki) aya nu tulus kawin ka urang Sunda. Atuh... harita téh nepi ka sidang kulawarga, tapi henteu ari nepi ka pegatna mah. Sukur... Jeung deuih bukti, euweuh kajadian nanaon.

Nya kitu ogé anu kaalaman, kabeneran boga bapa téh urang Jawa Wétan, tingtrim wé nu aya. Pon kitu deui tilu urang dulur bapa kuring (uwa & dua emang) nu mareunangkeun urang Sunda, senang wé nu aya. Jadi, ulah lalawora... kieu-kieu gé kuring téh getihna indo, heuheu...

Linglung bin Kasarung

Naon geuning nya sebutanana teh, disoriented atawa naon, mun dina basa Sunda mah linglung tea meureun.

Lain sakali dua kali ieu kajadian teh, panungtung mah basa ka Depok minggu kamari, nalika ngadatangan acara kopdar Kusnet (Komunitas urang Sunda di Internet). Minggu kamari teh nu kadua kalina, da baheula ge kungsi turun di stasiun Depok teh. Sanggeus acara jeung sajabana lekasan, kuring mulang wanci magrib. Pede bae, ti imah Kang Ndoell di Depok Timur teh tumpak angkot trayek Depok Timur-Pasar Minggu. Barang anjog ka pasampangan di... (jalan naon nya, pokona mah jalan raya), kuring mimiti ngahuleng.... Naha, ka Bogor teh bet mengkolna ka kenca, sedengkeun ka Pasar Minggu mengkol ka katuhu. Terus we dipikiran, nepi ka terminal Depok teh keur dipikiran keneh. Jol curiga, boa geus nepi ka stasiun yeuh... Tapi, da asa rada jauh keneh. Tamba panasaran, nya si supir teh ditanya,
"Ngaliwat ka stasiun teu?"
"Stasiun mana?" ceuk si supir.
"Stasiun Depok," jawab teh.
"Lah, ieu stasiun Depok!" ceuk supir rada nyorongot.
Ngaheheh bari era, terus bae gura-giru mayar, laju turun tina angkot. Ti terminal, kuring nuturkeun naluri bae, nuturkeun kamana lolobana jalma ngalengkah, nepi ka tungtungna anjog ka stasiun. Sanggeus meuli karcis, kuring ngahuleng deui nalika nempo papan pituduh nu nunjukkeun Bogor teh ka kencakeun. Jadi Jakarta ka katuhu atuh. Beu!

Teu lila nungguan, jol kareta ka Jakarta-keun. Naek teh bari sabil, naha bener ieu kareta teh ka Jakarta. Pas dipariksa ku petugas karcis, kuring teu salah meuli karcis, hartina teu salah naek. Kakara reugreug soteh sanggeus nepi ka stasiun Pasar Minggu, da lumayan apal pisan ka stasiun eta mah. Longsong we hate teh...

Waprés Bendu

Dina koran sababaraha poé ieu kabéjakeun yén Waprés Jusuf Kalla bendu ka para guru anu "démo" macakeun sajak di payuneunana. Éta, pédah dina sajak disebutkeun yén aya wangunan sakola nu teu bina ti kandang hayam, ogé pedah disebutkeun yén gajih sabulan guru béak dina jangka sapoé.

Nya atuh, ngaranna gé sastra, biasana so dileuwihan, malah kadang kaleuleuwihi. Tapi, mun Juragan Waprés ngarésponna positif, tangtu lain ambek jawabanana téh. Lucu ieu mah, geus puguh dina koran gé sok aya foto sakola nu méh teu mangrupa téh, tapi keukeuh wé, Pamaréntah mah teu rumasaeun...

Ah... Kawas nu heueuh baé mikiran nagara/bangsa, diri sorangan gé jauh ti hadé...

Tiga agama satu Tuhan?

Suatu ketika, di suatu milis seseorang mempertanyakan adanya tiga agama yang datang dari satu Tuhan yang sama. Pertanyaan bernada protes tersebut sepertinya keluar sebagai tanggapan terhadap keadaan dunia saat ini yang masih carut marut, yang di antaranya disebabkan konflik antaragama (setidaknya diwarnai, dibumbui?). "Kenapa Tuhan tidak menciptakan satu agama saja?" demikianlah ringkasnya.

Saya, pada waktu itu, sempat memberikan tanggapan akan hal tersebut. Namun sayang, hehe..., surat saya tak di-approve oleh sang moderator milis.

Diingatkan oleh perbincangan tadi pagi melalui Yahoo! Messenger yang menyerempet diskusi serupa, saya jadi tertarik untuk memuatnya di sini. And let the story begins...

Saya tidak hafal betul syair tembang Imagine-nya John Lennon, tapi ada yang cukup saya ingat, yaitu bagian yang membayangkan tidak adanya negara/kebangsaan, agama, dan sebagainya, yang mungkin menurut pengarang syair merupakan penyebab konflik antarmanusia di muka bumi (kalau saya tidak salah, John Lennon menjelang akhir hayatnya merupakan bobotoh ideologi "kiri"). Sebagai jawaban atas syair tersebut, saya pun berdalih sendiri, bahwa andai tidak ada agama atau negara sekalipun, manusia akan tetap bertengkar sepanjang hidupnya. Dari kisah putra2 Adam pun kita tahu, bahwa konflik antarmanusia itu sudah ada sejak masa-masa awal keberadaan manusia di Bumi.

Lalu, mengapa Tuhan menciptakan tiga agama untuk umat manusia? Saya jadi termenung dan balik bertanya, apakah benar Tuhan menciptakan tiga agama?

Dalam al-Qur'an ada ayat yang menyebutkan bahwa Tuhan (Alloh SWT) telah mengutus manusia pilihan (nabi & rosul) kepada setiap kaum, kepada setiap bangsa. Itu dulu. Dalam ayat lain disebutkan bahwa Tuhan telah menyempurnakan seluruh ajaran-Nya melalui ajaran yang dibawa oleh Muhammad. Ajaran yang dibawa Muhammad adalah ajaran pamungkas yang berlaku untuk semua umat hingga akhir zaman, yang menyempurnakan ajaran-ajaran sebelumnya.

Nah, dari suntingan-suntingan di atas kita dapat menyimpulkan bahwa bimbingan Tuhan (agama) itu telah diturunkan kepada masing-masing/tiap kaum/bangsa (tiap kesatuan masyarakat manusia). Ajaran tersebut tentulah mengandung dasar ajaran yang sama, karena berasal dari sumber yang sama, yaitu yang dalam ajaran Islam disebut ajaran Tauhid, ajaran tentang Ketunggalan Tuhan. Dari ayat yang disunting berikutnya kita kemudian dihadapkan kepada sebuah logika sederhana, bahwa Tuhan telah menyampaikan ajaran yang sempurna yang menggantikan ajaran-ajaran sebelumnya. Ajaran ini, karena sifatnya yang telah disempurnakan, diberlakukan kepada seluruh umat manusia dari masa sampainya ajaran tersebut hingga akhir zaman, kiamat.

Tiga agama satu Tuhan? Pernyataan tersebut menjadi tidak tepat, karena sesungguhnya hanya ada satu agama. Satu agama, yaitu agama yang telah disampaikan kepada masing-masing umat pada zaman dahulu, yang kemudian disempurnakan dalam ajaran yang disampaikan melalui Muhammad: ajaran Islam.

Persoalannya, apakah kita percaya akan "kabar gembira" tersebut? Kalau percaya, maka pertanyaan yang dikemukakan dalam judul artikel ini sudah terjawab. Jika tidak, sesungguhnya "tidak ada paksaan dalam agama" (Laa iqrooha fiddiin), "untukmulah agamamu dan begitu pula agamaku untukku" (Lakum diinukum waliyadiin).

Pamarentahan Islam

Kuring mah katarik ku pamanggih ngeunaan teu "keuna"na konsep agama (nyeta Islam) pikeun pamarentahan, ambeh gampang paseana, nya Bah Willy? hehe...

Mun urang nyokot conto2 pamarentahan nu sebut wae---sugan rada-rada---ngawakilan Islam, cikan urang "evaluasi"
Arab Saudi (AS); kuring teu panuju mun pamarentahan AS ieu dianggap
saluyu jeung pamarentahan Islam. Kahiji masalah raja, Nabi SAW mah
lain raja. Kapamingpinan Islam ti Nabi ka Halipah nu opat, disebut
demokrasi lain, atuh jajauheun ka monarki.
Afganistan jaman Taliban; kaleuleuwihi mun Pamarentahan Islam
prakprakanana nepi ka ngurus masalah ngurud jangot mah...
Iran; duka tah ieu mah, kabeneran kuring teu manggih hal nu nyolok
nyimpang/kaleuleuwihi. Ceuk nu ngadukungna mah memang ieu cenah nu
ngaharib-harib pamarentahan Islam teh. Pamingpin/Imam dipilih ti
golongan ajengan/ulama anu memang geus kauji.
Indonesia; no comment

Tapi da nu ngaranna pulitik & kakawasaan mah loba unak-anikna, aya
kongkalikong (sama dengan kongkong), intrik2 jeung sajabana. Ngan
kuring mah nekenkeun teh hiji hal. Yen nu nyimpang, mun tea mah
nyimpang, lain ajaranana, tapi nu prak migawena. Nyimpang ieu bisa
alatan kapangaruhan (malah disetir) ku kapentingan batur atawa panatik
kana salasahiji golongan (alatan kurang jembarna elmu meureun lamun
dirunut leuwih jauh mah), atawa kasetir ku hawa napsu kakawasaan diri
sorangan/golongan. Jadi, lain konsep Islamna.

Terus deuih, lamun urang nyarita ngeunaan konsep Islam. Aya tanda
tanya nu rada gede dina sirah kuring, ari konsep pamarentahan Islam
teh nu kumaha? Geus aya kitu citak bulaona anu bener2 geus diaku
saluyu jeung ajen-inajen Islam? Asana mah acan. Eta oge kuring kungsi
ngadenge, draf konstitusi, hukum & sistim pamarentahan Islam teh keur
dikeureuyeuh, mung teu acan rengse keneh. Komo deuih taun kamari
kabejakeun aya "counter" atawa (lemesna) koreksi tapsiran dalil-dalil
utamana nu patali jeung wanoja.

Mun kudu2 teuing mah milih, bawarasa panuju jeung Kang Rawyani (pami teu lepat): demokrasi nu diwates. Lain diwates meureun, da manusa mah mun diwates teh sok luncat ngaleuwihan wates wangen. Nu diaping, nyaeta nu diaping ku wahyu.

Nu puguh (puguh teu puguh), bawarasa yen Gusti Alloh geus nurunkeun
tungtunan2 nu sipatna prinsip pikeun ngaping urang hirup di dunya, pon
kitu deui dina hal pamarentahan. Tina prinsip2 eta meureun urang kudu
ngagali naon2 aturan nu kudu ditanjeurkeun dina pamarentahan Islam: ti
rumusan konstitusi (mun memang aya) nepi ka bubuk leutikna, misalna
ngeunaan miceun runtah kana wadah/tempatna. Kapan hirup beresih &
berseka teh parentah Rosul...